مــرحــبــــــــــا بــكـــم فــي أضخــــم موقــــع طبـــــي عــربـــــي
 
الرئيسيةالتسجيلدخول

شاطر | 
 

  تخصص الكلي : معلومات هامة وجديدة وحصرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr saad
Admin


عدد المساهمات : 176
تاريخ التسجيل : 12/12/2010
العمر : 36
الموقع : http://medsurgery.ba7r.org

مُساهمةموضوع: تخصص الكلي : معلومات هامة وجديدة وحصرية    الثلاثاء 22 فبراير 2011, 18:06

تخصص الكلى لازم تعرف أن مفيش ماجستير كلى منفصل من البداية
مفيش غير في اسيوط بس هي اللي ينفع تاخد فيها ماستر نفرولوجي بعد البكالوريوس
غير كده بيبقى المتاح انك تقدم ماستر باطنة عامة
أو تاخد دبلومة باطنة ثم تكمل تخصص نفرولوجي في جامعة من اللي فيها ماجستير نفرولوجي لكن بتشرط دبلومة عامة قبلها زي عين شمس و القصر العيني مثلا

كانوا خايفين إن عين شمس لا تقبل الدبلومة اللي من جامعة اخرى .. يعني تشترط ان الدبلومة تبقى من عندها .. بس في واحد نايب كلى سأل هناك و قالوا له مش شرط .. يعني ينفع تاخد دبلومة من اي جامعة ثم ماستر من عين شمس

أما بخصوص ان ماجستير الباطنة العامة يمنح نايب الكلى درجة ماجستير كلى إذا كان موضوع الرسالة يخص الكلى ... يعني هل ماستر الباطنة اللي رسالته كلى .. يغني عن ماستر الكلى ؟؟

فالإجابة كالتالي
اول ماتروح تحضر فى الجامعه اللى انت عايزها هتاخد كتيب فيه الدرجات العلمية اللي بتمنحها الكلية في كل تخصص من دبلوم التخصص الى ماجيستير او دكتوراه التخصص
ومادام الدرجة العلمية (ماجستير امراض الكلى) مش موجوده فى الكتاب يبقى مهما كان موضوع رسالتك نفرولوجى ولا لأ مش حيتكتبلك ابدا ماجيستير امراض الكلى لأن لايحة الكلية لم تنص عليها
الاماكن اللى ممكن تتعلم فيها الجامعات وبعد كده التامين الصحى نظرا لان حالات الكلى بتبقى حالات مزمنة وتحتاج متابعات كتير فالمريض بيروح التامين الصحى اولا وبالذات مرضى الفشل الكلوى وبعد كده مستشفيات الصحه واغلب المستشفيات التعليمية بها وحدات غسيل كلى كويسة

مجال شغل طبيب الكلى

امراض الكلى مش بس حالات الغسيل دكتور الكلى بيتابع اغلب مرضى السكر عشان من مضاعفات السكر تاثيرة على الكلى وبيظبط الضغط واغلب المرضى بيدخلوا فى الفشل الكلوى نتيجة مضاعفات لامراض كتيرة فلازم تبقى تعرف ازاى تتعامل مع باقى الامراض

الكتب اللي المفروض يقرأ فيها دكتور الكلى

3 فروع المفروض يمشوا مع بعض

اولا : الكتب المتعلقة بالغسي الكلوي
زي
oxford handbook of dialysis
handbook of dialysis
دول كتابين غير بعض و الاتنين كويسين
اهمية الفرع ده حاجتين
1- لان ده هو شغلك او 90%من شغلك لو انت في مستشفي صحة يبقي لازم تتقنه
2-عشان لو عايز تشتغل برايفت في مراكز غسيل الكلي الخاصة

الفرع التاني
القراءة في امراض الكلي clinical nephrology
لان ده اللي المفروض تكون متميز فيه عن باقي اطباء الباطنة العامة

الفرع التالت
الباطنة العامة و ده مهمة جدا جدا
و القاعدة بتقول ((عمرك ما هتبقي دكتور كلي كويس الا لو فهمت باطنة عامة كويس))
و ما اكثر الكتب الجيدة فيها
و لعل من الكتب المفيدة davidson
هو بينزل كل 4 سنين و في منه نسخة السنة دي2011 الجديدة بحوالي 160 جنيه بس رائع

السفر للخارج في تخصص الكلى

علشان تسافر كـ ( أخصائي أمراض كلى ) لازم يكون معاك ماستر كلى
اما لو ماستر باطنة عامة .. يبقى هتسافر أخصائي باطنة عامة
لو صبرت وكملت وحضرت نفرولوجى يبقى إنجاز لأن العدد قليل والطلب كتير خصوصا برة مصر

طبيعة عمل ( نايب الكلى ) في مستشفيات الصحة

كده كده نايب الكلى بيشغلوه باطنه فى اغلب المستشفيات فخد كلى علطول احسنلك .. يعني بيشتغل كل حاجة .. عنايه واستقبال و داخلى وعياده و كلى

و الوزاره حاليا منزلة النفولوجي نيابة ملحة في الحركة بتاع مايو اللي هي شغالة دلوقتي ( يعني اللي قضى 6 شهور تكليف يقدر يقدم نفرولوجي ) علشان هما محتاجين اعداد

ملحوظه
الكلام اللى فوق ده بيطبق فى اغلب مستشفيات وزارة الصحه
بس ميمنعش ان فيه مستشفيات فيه نظام محترم
يعنى نايب النفرولوجى نفرولوجى وبس

الرجوع الى أعلى الصفحة اذهب الى الأسفل
http://medsurgery.ba7r.org
 
تخصص الكلي : معلومات هامة وجديدة وحصرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بحـــر الطــــب والجـــراحــــة :: ا :: أطبــــاء التكليــف والخريجــــين-
انتقل الى: