مــرحــبــــــــــا بــكـــم فــي أضخــــم موقــــع طبـــــي عــربـــــي
 
الرئيسيةالتسجيلدخول

شاطر | 
 

 يوميات طبيب جراحة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr saad
Admin


عدد المساهمات : 176
تاريخ التسجيل : 12/12/2010
العمر : 36
الموقع : http://medsurgery.ba7r.org

مُساهمةموضوع: يوميات طبيب جراحة   الخميس 06 يناير 2011, 13:40

أولا احب اشكر الدكتور سعـد اللي اتاح ليا الفرصة ان انقل يومياتي المتواضعة الي اكبر كم من الاطباء
فزي مانتوا عارفين تخصصي لا يسمح لي اني انام ساعتين علي بعضيهم فكيف بالله عليكم ادخل نت
ماعلينا انا اسمي الدكتور طارق نايب جراحة باحدي مستشفيات وزارة الصحة الجميلة
افتكر ان اول يوم ليا في النيابة كان يوم مشهود لن انساه ماحييت
رحت زي البرم استلم الشفت من زميلي الدكتور عمرو وكان بقايا انسان او تكاد تقول عنه خيال بشري بين النوم واليقظة
تمالك نفسه وهو يغالب النعاس وقاللي يا طارق انا دخلت حالتين زوايد حيعملوا العمليات ع الظهر كده وعندك dvt
لسه خلصان بس حالته زفت دخله العناية وشيته
ابتسمت واخذني الزهو علي ثقته الغالية
فانا الان في عداد الاموات (اقصد الجراحين)
مشي البيه وسابني في وحدتي غريب الدار حيران
رحت شفت الحالات وظبطها واذا بصوت كالرعد
ياتي من اجواء سحيقة: انت يابيه ازاي سايب
الاستقبال فاضي ؟
ماتعرفش ان نايب الجراحة مكانه الاستقبال اساسا؟
نزلت متلعبك وانا اضرب اخماسا في اسداس قعدت
وبعد ماقعدت بفمتو ثانية سمعنا صويت وانين واذا بما يشبه الصاعقة
ناس وعربيات ودماء علي الاسفلت تنهمر من 4 اشخاص
بينهم بنت صغيرة
وبسرعة البرق جاء اتنين اخصائيين والعبد لله وكانت مجزرة
اشي كانيولات بتتركب علي قساطر علي محاليل وخيوط وابر شغالة كالنار في الهشيم
واحنا شغالين بقا اتنين فيصوا من الجماعة اللي ادامي
طبعا الناس بره وفي اذهانهم شيء واحد ان مستشفيات الصحة اساسها الاهمال وكانهم ينتظرون وفاة اي حد من المصابين
فور علمهم بالخبر كادوا ان يفتكوا بي لولا هروبي الي العناية
الاتنين التانيين كسور علي رضوض واتخيطوا وروحوا بالليل
بعد ساعة الا قليل من الموقف ده قعدت مع اتنين امتياز حبايبنا
واحدة منهم استاذنت تصلي والتاني قعد معايا نحكي اهو نعدي اليوم وانسي اهوال الصدمات المتتالية
جاه واحد متعور في جبهته وكان ستتش بسيط جدا
قلت للطبيب الامتياز شوف العيان قال مبعرفش اخيط جات الزميلة الامتياز قالت :ياي بخاف من منظر الدم اصلا
ودخلت تتغدي
قلت امري لله وخيطت الباشا وكتبت له علي علاج
بص في الورقة كدة وقال هو انتو ماعندكوش علاج ولا حقن وهات ياشتيمة في الدكاترة واللي خلفوهم بدل مايقول تسلم ايدك
خلصت ورحت اصلي ورجعت اتغدي عادي يعني
.... واذ بصفير سيارة الاسعاف المميز والممرضة بترن سبت الغدا اللي كان نفسي اكله ورحت لقيت حادث انقلاب سيارة والاستقبال ماكفاش وجاه المحافظ ومدير الامن وكانت ليلة
وكالعادة كانيولا وابر و.............الخ
ولما جاه معاد تسليم الشفت كنت بقايا انسان ونسيت اكمل الغدا اساسا وقعدت من الانهاك ورحت في نعاس عميق
في الاستقبال حتي استيقظت علي صوت الممرضة الجديدة لان الشفت خلص من ربع ساعة وزميلي مجاش جات حالة اصابة في البطن خلصتها و كسر اصبع خيطت الاوتار
وظبطته الي ان جاء زميلي اخيرا متاخرا ساعة ونصف كاملة وبادرني بابتسامة تملأ وجهه قائلا : معلش يا باشا اصل كنت بزور خطيبتي
سلمته الشفت وروحت واسف مش حقدر اكمل بعد ماوصلت البيت لاني رحت في غيبوبة صحيت علي اثرها بعد يومين
ويجعله عامـــــــــر


والي لقاء مع يوميات جديدة مع تخصص جديد
تحياتي
الرجوع الى أعلى الصفحة اذهب الى الأسفل
http://medsurgery.ba7r.org
 
يوميات طبيب جراحة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بحـــر الطــــب والجـــراحــــة :: ا :: أطبــــاء التكليــف والخريجــــين-
انتقل الى: