مــرحــبــــــــــا بــكـــم فــي أضخــــم موقــــع طبـــــي عــربـــــي
 
الرئيسيةالتسجيلدخول

شاطر | 
 

 ليــه الدكتـــــور نســـي الفوطـــــــة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr saad
Admin


عدد المساهمات : 176
تاريخ التسجيل : 12/12/2010
العمر : 35
الموقع : http://medsurgery.ba7r.org

مُساهمةموضوع: ليــه الدكتـــــور نســـي الفوطـــــــة   السبت 28 مايو 2011, 23:21

الدكتــور نسي الفوطه
وناس واقفه بتتريأ ومبسوطه
وناس تانيه بتستغرب ومنقوطه....ليه الدكتور نسي الفوطه
و هو يا عيني كان واقف ....... ووشه أحمر ولا القوطه
و قال ياجــــــــماعه سامحوني ....وقبل ما تيـــــــجوا تلوموني
تعالــــــوا أحكيلكوا أنا حكايتي..... وبعديها إبقوا حـــــــاكموني
سنــــين ضاعت في ثانــــــويه..... كفاح دامي وعــرق ودموع
وبعد المعركـــــــــه الحــــاميه..... قدرت أنجح وأجيب مجموع
أخيراً حلمنـــــــــــــــــا إتحقق .....هخش الطــــــــب وأدّكــــتر
رســـــــــــاله جميله ومعـــاها...... مقام عالي وفلوس أكـــــــتر
و جاتلي بطاقة الترشيـــــــــح...... فيها الطب اللي بحــــــلم بيه
بتاع البوسته جابهــــــــــــالي ......وخدله حلاوه عشــــرة جنيه
في أول يوم لـــــــــبست جديد ......وشلت البالطو رحـت لاقيت
زمايلي إتحــشروا في مــدرج...... عامل ولا عــــــلبة الكبريت
ولكــن برضه مايئستش
دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني
و لسّه أنا برضه مايئستش
و قلت مادام ضــــاع النظري...... هظبّــــــــط نفسي في العملي
جريت عـ المشـــرحه بسرعه...... لكن كالـــــــــعاده خاب أملي
دخلـــــت لاقـــيت 200واحد....... بيتخــــــــانقم على الجــــــثه
وناس واقـــــــــفه من الزحمه ......على كتافـي ومـــــــش حاسه
و لسّه أنا برضه مايئستش
و طبــــــعاً حسّوا بظــــروفنا .......وحطّولنا إمتـــــحان فوازيـر
وكل أمّا آجي أحــل ســـــؤال....... أقف أدّامــــــه زي الــــــزير
و لسّه أنا برضه مايئستش
وجينا في لجنة الشـــــــــفوي....... وكان أدّامي واد كــــــــــوسه
خد الـدرجـــــــات مـن الدكتور..... وخد فوقهـــــــم كــمان بوسه
دخلت انا قام مكـــــــــشرلي ....... ومن أولــــــــها عقــــــــدني
سألني سؤال... ماردّيتشي........... خبطني الزيرو وطــــــردني
و لسّه أنا برضه مايئستش
سنه بتمشــي وســــنه بتيجي ........مقـــالـــب بعـــدها مقــــــالب
زمايلي إتعينوا و قبـــــــضوا .......و أنا شايـــــل لـــــــقب طالب
و لسّه أنا برضه مايئستش
كبـــــــرنا شـــويه وقــــالولنا....... خلاص دلوقتي شوفوا حالات
و رحنـــــــا نشوف وكالعاده........ دا كله بيطلع إشتــــــــــغالات
و لسّه أنا برضه مايئستش
بشوف الشاب من ســــــــني........ واقـــــــــف ويّا البنات مرتاح
و لــــو عديـــــت أنا يقولــوا........ راح الدحّـــاح .....جه الدحّاح
و لسّه أنا برضه مايئستش
لحد ماخلصم السبــــــــــــعه ........وقلت خلاص هروق وهعيش
و قبل ما أفوق من الصــدمه........ خدوني عشان أخـــش الجيش
و لسّه أنا برضه مايئستش
وقعت هناك في إيــــد ظابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته
و لسّه أنا برضه مايئستش
خلااااص السبعه بقوا عشرة........ ولسه أنا ماشي جنــب الحيط
و بان السن علــــــــى وشي ........و شعري إبيـــّض و إصلعيت
و لسّه أنا برضه مايئستش
وبعد ما قـــــلت كــــــــفاره ........خلاص هرتاحلى بقى كام يوم هنا
لاقيتهم تـــــــــانــي واخدنّي .......عشان تكليـــــــــفي في محافظة قنا
و لسّه أنا برضه مايئستش
و قلت هنـــاك هآخد قرشين........ آكل منهم و أجيـــــــــب لبسي
فوجئـــــــت يا عيني بمرتب .......يادوب مايقضــــــنيش شيبسي
و لسّه أنا برضه مايئستش
و بعد الـــعمر دا كـــــــــــله .......رمــــــوني في وحـــده صحية
نسيت الطب أنا فيـــــــــــها ........وبقــــــــيت زي التمرجـــــية
و لسّه أنا برضه مايئستش
و آديني بعيش وهعمل أيـه؟؟........ ماليــــــــش ولا قوه ولا حولا
وحيد غلبان وحتى مافـــيش ........جـــــواز علـــى نفــــقة الدوله
و لسّه أنا برضه مايئستش
قام الدكتور صعب عـ الناس....... و فــــــضلم يـــبكوا على حاله
و حتى الفوطة نســــــــيوها........ ولمّوا فلــــــــــوس وسابوهاله
و قال دكتورنا عـ الفوطــــه........ تعــــــالوا هشـــــيلها أنا بكرة
لكن أهل المريض قالــــــوا........ خلاص........ سيبهالنا للذكرى

_________________
دكتور
سعد السباعي
طبيب مقيم جراحة عامة
الرجوع الى أعلى الصفحة اذهب الى الأسفل
http://medsurgery.ba7r.org
البلسم



عدد المساهمات : 3
تاريخ التسجيل : 02/08/2011

مُساهمةموضوع: رد: ليــه الدكتـــــور نســـي الفوطـــــــة   الأحد 07 أغسطس 2011, 04:15

حلوة بجد.يعنى لازم كل ما نحاول ننسي تيجى تفكرنا يا د سعد حتى النسيان مش حلال لينا
الرجوع الى أعلى الصفحة اذهب الى الأسفل
 
ليــه الدكتـــــور نســـي الفوطـــــــة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بحـــر الطــــب والجـــراحــــة :: ا :: أطبــــاء التكليــف والخريجــــين-
انتقل الى: