مــرحــبــــــــــا بــكـــم فــي أضخــــم موقــــع طبـــــي عــربـــــي
 
الرئيسيةالتسجيلدخول

شاطر | 
 

 المسئولية الادارية و النظام المالي في التكليف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr saad
Admin


عدد المساهمات : 176
تاريخ التسجيل : 12/12/2010
العمر : 35
الموقع : http://medsurgery.ba7r.org

مُساهمةموضوع: المسئولية الادارية و النظام المالي في التكليف   الثلاثاء 24 مايو 2011, 16:48

المديريه
هيا صورة مصغرة من الوزارة وبتشرف ع كل الادارات بالمحافظة ويرؤسها وكيل الوزارة

الادارة
هيا صورة مصغرة للمديرية وبتشرف ع كل الوحدات الصحية بالمدينة ويرؤسها مدير الادارة.

نبدا على بركة الله

اولا النظام بصورة عامة
( هاتكلم عن التكليف بالوحدات الصحية )
نقرتين لعرض الصورة في صفحة مستقلة

انت بتستلم بالمديرية ويتم توزيعك ع الادارة ومن خلالها يتم توزيعك ع الوحدات . ودي بتختلف حسب مدير الادارة صراحة فيه مديرين ولاد ناس بيشرحولك ظروف كل وحدة ويتركوا لك الخيار .... الخ
بعد الاستلام حضرتك ببتوجه الى الوحدة الصحية وتستلم فيها شغلك ياما بتكون الطبيب الوحيد اللي هناك ويكون اسمك (طبيب اول ) او ( مدير الوحدة ) وساعتها بيضاف لك الاعباء الادارية بالاضافة الى العبئ المهني .
او بتكون طبيب ثاني او ثالث مبتفرقش كلهم يعتبروا بمسمى واحد بتفرق ف نقطة واحدة مين هيتولى الحكم بعد الطبيب الاول .

ثانيا النظام المادي
نقرتين لعرض الصورة في صفحة مستقلة

اولا راتب الطبيب (والراتب مكون من اساسي المرتب + بقية المرتب )
ثانيا قرار 75% وهو بنسبة 250% من اساسي مرتب الطبيب وبيختلف من منطقة لاخرى بمعنى بيزيد ف مناطق عن الاخرى ممكن يكون 300% ...الخ.
ثالثا: 150% الكادر للطبيب. من اساسي المرتب.
ده مجمل الفلوس
فيه حاجة اسمها بدل طبيعة عمل .
ودي اول ما تروح الوحدة بتعمل طلب لمدير الادراة ودي وظيفتها انها بتزود مرتبك 15 ج كل شهر ع المرتب
فيه حاجة تانية اسمها تسوية سنة الامتياز ودي لما حضرتك بتستلم التكليف بتصور شهادة الامتياز وبتروح بها قسم التسوية بالمديرية وبتقلهم عايز اعمل تسوية سنة الامتياز وضمها كسنة خبرة .ودي وظيفتها انها بتزودك سنة خبرة ويتزود اساسي المرتب بتاعك .
وطبعا اساسي المرتب ده لما بيزيد كل حاجة بتزيد.
رابعا فيه حاجات تانية زي مبالغ التامين او الحصيلة . (هاشرحها بعدين ).
طبعا اؤكد ان المبالغ المادية بتختلف من مكان لمكان طبقا لقواعد المكان والاختلافات بتيجي ع اساس دي منطقة نائية ولا مش نائية

دلوقتي هتكلم عن جزء مهم جدا وهو النظام الاداري بالوحدات لاننا كلنا بنطلع من الكليات بنلاقي نفسنا مديرين وحدات صحية ومش فاهمين اللي بيجرى حوالينا فنقع ف اخطاء .
وكلامي هيكون موجه للسادة الاطباء اللي هيكونوا طبيب اول غالبا

اولا النظام الاداري :
فيه حاجة اسمها المدير المباشر لك وهو يراسك مباشرة
وده اللي بتمضي منه اجازتك واذوناتك وهو الوحيد اللي يشطب عليك ف الدفتر زائد المرور الاشرافي وهو اللي بيضع تقييمك اخر السنة ولو انت طبيب ثاني بيكون مديرك المباشر هو الطبيب الاول
ولو انت الطبيب الاول بيكون مديرك المباشر مدير الادارة .


----------------------------------------

الطبيب ليس له اي عهدة فى الوحدة الصحية بتاتا يعني انت مش مسؤول عن قيد انملة فى الوحدة ما عدا حاجتين مهمتين جدا

ختم الوحدة ( ختم شعار الجمهورية )
ودفتر تذاكر التامين ( يتم تسليمه للطبيب الاول ولما يخلي يسلمه للطبيب اللي هيخليله)
وانا هاستفيض حبة ف ختم شعار الجمهورية الخاص بالوحدة
طبعا لما بتروح الوحدة بتلاقيه مع كاتب الوحدة مستحوذ عليه .
ولما تروح حضرتك طبيب اول ف الوحدة لازم تستلمه لالاول لانه بمثابة عرض الدكتور
وبعدين لو عايز تسلمه ويكون افضل لكاتب الوحدة ( ويفضل شخص ثقة ) يكون بمحضر رسمي تعمله ف الوحدة ويكون فيه شهود ( هقول ليه بعدين )
وصيغة المحضر كالاتي :
صيغة المحضر كالاتي
اقر انا فلان الفلاني انني قد استلمت ختم شعار الجمهورية الخاص بوحدة ... من السيد الطبيب فلان الفلاني يوم / / وبذلك اصبحت مسؤول عنه مسؤوليه كاملة امام الجهات الرسمية والقانونية .


وتمضي حضرتك ويمضي هو ومعاهم امضاء شاهدين ويعتمد . ويختم . ويكون المحضر من صورتين صورةاصل لك وصورة بالكربون له .
وتحتفظ بالصورة دي ابد الدهر في مكان امين لكـ ( اللهم اني قد بلغت اللهم اشهد )
ويبقى سؤال
ليه الخوف ده كله ؟
قلتلك ف بداية الامر انك مدير وحدة ومسؤول عن موظفين ومكان وبتعتمد كل يوم ورق كتير ورق مالي وحاجات ما الله بها عليم وساعات فيه ضعاف نفوس بيستغلوا الختم ده بصورة لا ترضي الله زي يعملوا شهادات مرضية او بيمضوا اي ورق تاني بمقابل مادي
و انت مش عارف اللي بيحصل ممكن تدبس ف حاجة انت ملكش ذنب فيها فدايما تكون حريص ومتمضيش على اي ورقة وانت مقرتهاش . ( نصيحة اخوية )

او بيجيلك الورق على بعضه والكاتب عمال بيصفحلك ( دي طريقة غلط ) شوف ورقة ورقة ع انفراد ولو انت شاكك متمضيش واستشير مدير ادارتك مثلا مش عيب ولا حرام .
ومحدش يقدر يرغمك على اي حاجة



استكمالا للموضوع .. بعد إذن د. مشتاقة للجنة

دفتر التأمين الصحي ..


انت بتستلم دفتر التأمين من الطبيب الأول .. ودفتر التأمين ده فيه تذاكر تأمين من أصل وصورة .. بيجي لك الوحدة طلاب المدارس والمعاهد الأزهرية بتحويل من المدرسة وتكشف عليه .. تكتب اسمه ورقم كارنيه التأمين والتشخيص والعلاج .. العلاج بحد أقصى 3 أنواع أدوية .. وبياخد الأصل ممضي منك ومختوم بأكلاشيه باسمك .. وبيصرف العلاج من صيدلية التأمين - مش من الوحدة - وبيدفع 1/3 قيمة العلاج ..

لما الدفتر بيخلص .. مسئول التأمين في الوحدة بيسلمه لإدارة التأمين وبتاخد دفتر جديد من العهدة .. والتأمين بيحسب لك الحالات ويعتمد لك مبلغ كل فترة ..

التأمين بيعرف ازاي ؟؟ ويبعت لمين ؟؟

التأمين من اختصاص الطبيب الأول .. وأول ما بيمسك الوحدة بياخد ورقة من الوحدة ويروح إدارة التأمين ويمضيها ويختمها بالاكلاشيه بتاعه علشان التأمين يتعامل مع الامضاء والأكلاشيه بتاعه بس على تذاكر التأمين من الوحدة دي .. حاجة كده زي تعاقد

بكرر أنه من حق الأول بس .. لكن لو الشغل متقسم وفيه تاني معاك بتسيب له الاكلاشيه وبيمضي ويختم تذاكر التأمين ولما فلوس التأمين تيجي بتيجي باسمك طبعا بس بتقسمها مع الأول على حسب الاتفاق ..

تنظيم الأسرة ..


تنظيم الأسرة . .بتمضي على ورقة تنظيم الأسرة للمترددات على التنظيم بعد كل شريط حبوب منع حمل او حقنة او لولب .. كل واحد بيمضي باسمه والفلوس بتيجي من تنظيم الاسرة كل واحد لوحده .. واكتر فلوس بتيجي على عدد اللوالب ..
الرجوع الى أعلى الصفحة اذهب الى الأسفل
http://medsurgery.ba7r.org
 
المسئولية الادارية و النظام المالي في التكليف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بحـــر الطــــب والجـــراحــــة :: ا :: أطبــــاء التكليــف والخريجــــين-
انتقل الى: